وليّت كانلاحِظ مؤخّرًا أن أخطر حرب عرفها التاريخ ماشي هي الحرب العالمية الأولى اولا الحرب العالمية الثانية، بل حرب قائمة دابا بين العنصر الذكري والعنصر الأنثوي. صراع ما بقاش مقتصر على الحقوق اولا المساواة، ولكن ولا كايمسّ جميع جوانب الحياة سواء ولنا كانلاحضو هادشي كاي تصاعد سواء فالعلاقات فالعالم الافتراضي اولا حتى فالتعاملات اليومية. كل طرف كايشوف الآخر كخصم، وكاين واحد التضارب الكبير فالأفكارو فالتوقعات، وحتى فالأدوار الاجتماعية اللي كانت مستقرة من قبل اما دبا ولينا كانشوفو الراجل كي لعب ادوار ديال لمراة والمراة كات لعب اضوار ديال الراجل و هنا كاي تطرح جدل كبير ونقاشات حنا هنا باش ناقشوهوم وبكل حيادية انا شهيد بلقايد وهادي قنات المناقش
وينا كانشوفو كيفاش هاد الصراع كاينعكس على العلاقات العاطفية، كاينين اللي ولاو خايفين يلتازمو، وكاينين اللي فقدو الثقة نهائيًا. فالسوشيال ميديا، كل يوم كاين جدل جديد حول "من المسؤول؟" و"شكون كايعاني أكثر؟". والنتيجة؟ مزيد من الانقسامات، سوء الفهم، وعدم الرضا بين الطرفين.
لكن السؤال اللي خاصنا نطرحوه هو: هاد الصراع، فين غادي بينا؟ واش الحل هو المواجهة والاستمرار فالتضارب؟ ولا خاصنا نرجعو نلقاو توازن حقيقي، بعيدًا عن المقارنات العقيمة والحروب النفسية؟